జీవితం...స్త్రీ....లక్ష్యం.....IV

 పార్ట్ IV ........
            (భవాని పుట్టినరోజు నాడు తనకు గ్రీటింగ్ కార్డ్ ఇద్దామని తను హిందీ క్లాసు కు వచ్చే దారిలో వేచి చూస్తున్నాడు రాజు..హిందీ క్లాసు సమయం అయిపోతున్నా తను మాత్రం రాలేదు, రాజు గాడికి టెన్షన్ పెరిగిపోతుంది...ఆ తరువాత ఏమైందో ఈ రోజు చూద్దాం )
                                 ***************************************************


తొమ్మిది అయిదు...
              నాకేమో టెన్షన్ గా ఉంది,తనేమో రావట్లేదు....ఎందుకు ఈరోజు లేట్ చేస్తుంది ??
తొమ్మిది పది....

ఏది ? కనబడదే? ఆ ఆ అదిగో వస్తోంది...వచేస్తోంది...నా భావాన్ని వచేస్తోంది...ఇంకో సారి అనుకుందాం ఎలా చెప్పాలో తనకి " హాయ్ భవాని, ఈ రోజు నీ బర్త్ డే కదా అందుకు నీకు ఈ రోజు పుట్టిన రోజు శుభాకాంక్షలు అన్నమాట , మరేమో ఈ గ్రీటింగ్ కార్డులు నీకోసమే కొన్నాను, తీసుకో,,, ఇంకా నీ డ్రెస్ చాలా బాగుంది," ఇలా చెప్పేద్దాం....
అదేంటి ఒక్కరోజులో భవాని ఇంత హైటు పెరిగింది...కొంపదీసి భవాని కాదా ఏంటి? చేతిలో పుస్తకాలు ఉన్నాయే....
అరె లత వస్తుంది..భావాన్ని కాదా....దగ్గరికి వచేసింది.....
"రాజు !! ఏంటి ఇక్కడున్నావ్? క్లాసు లేదా?"
"ఆ ఉంది భవాని పుట్టినరోజు కదా గ్రీటింగ్స్ ఇద్దాం అని వెయిటింగ్ లే తనేమో ఇంకా రాలేదు.."
"తను ఈ రోజు రాదులే...వాళ్ళ ఇంటికి వెళ్ళే వస్తున్నాను"
"ఎ ఎందుకు రాదు?"
"తనకి జ్వరం '
"జ్వరమా !! నిన్న బానే ఉందే!
"అది అంతేలే ఆడపిల్లలకి ఎప్పుడైనా రావోచు జ్వరం "
"ఎందుకు? రావోచు?"
"అవన్నీ నీకెందుకులే గాని...గ్రీటింగ్ కొన్నావా? చూపించు?"
"ఇవిగో...పద నడుచుకుంటూ మాట్లాడుకొందాం"
"ఎవరైనా చుస్తే బాగోదు రాజు'
"చ నిన్ను నన్ను చూసి అక్క తమ్ముడు అనుకుంటారులే, నీ పర్సనాలిటీ ఎక్కడా!! నాది ఎక్కడా!! మనల్ని చూసి ఎవరు లవర్స్ అనుకోరు"
"అబ్బ..!! బలే ఉన్నాయ్ రాజు గ్రీటింగ్స్...భవాని లక్కీ....నువ్వు చాలా మంచోడివి...మావాడు ఏమి కొనడు..అసలు నా వంకే చూడట్లేదు...నేను బావుండనా రాజు???
"బానేఉంటావుగా లతా నీకేంటి...గోడకి కొట్టిన సున్నం లాంటి కలరు,సౌందర్య లా... అసలు సౌందర్య ఏంటి..!! సౌందర్య  అమ్మలా ఉంటావ్"
"సరే పద ..పొగిడింది చాలు గాని క్లాసు దగ్గిరికి వచ్చింది హిందివోడు చుస్తే మళ్ళి ఎమన్నా అంటాడు నువ్వు ముందు వెళ్ళు ఇవిగో నీ గ్రీటింగులు"
"అవి నీ దగ్గిరే ఉండని, క్లాసు తరువాత తీసుకుంటా..."

క్లాసుకైతే వెళ్ళాను గాని కళ్ళన్నీ గుమ్మం వైపే ఉన్నాయ్...ఏమో..?? వస్తుందేమో !! అని......ఈ లోపు మన మైండ్ దుమ్ము కొంచెం దులిపితే మొన్న లత కి సోప్ వేసిన విషయం గుర్తుకు వచ్చింది....ఒక పధకం రూపు దిద్దుకుంది మన చిన్ని మెదడులో ..ఆ ఏముంది లత కి గ్రీటింగ్స్ ఇచ్హి వాటిని భవాని ఇంటికి వెళ్లి ఇవ్వమని చెప్పాలి, అలా చేస్తే నీ గురించి దాము దగ్గిర తెగ పోగిడేస్తా దీంతో నీ మీద వేపరీతమైన లవ్ వస్తుంది అప్పుడు మీరిద్దరూ కూడా గ్రీటింగులు ఇచుకోవచ్చు..అని ఒక చిన్న సోది చెప్తే చాలు పిచ్చిది..నమ్మేస్తుంది...అని ఒకసారి క్రురంగా నవ్వి, లత వైపు చూసా,.... తనే మో దాము గాడినీ నా వైపు చూస్తావా.....!! చస్తావా ......!! అన్నటు చూస్తుంది ఆడేమో రెండు మోచేతులు డెస్క్ మీద పెట్టి అరచేతుల్లో గడ్డాన్ని పెట్టుకుని ఈ పాఠం నాకు వస్తుందా... రాదా.... !! అన్నట్టు తెగ చూస్తున్నాడు నల్ల బోర్డు నీ.... "పిచ్హ మంద "అని ఒకసారి మనసులో అనుకోని.....నేను కూడా పాఠం వినడంలో పడిపోయా...

క్లాస్స్ అయిపోయిన తరువాతా హిందీ మాస్టారు సెంటర్ కి వెళ్లారు కిళ్ళి కోసం..మేమేమో కాసేపు "షో "ఆడుకున్దామని ..పేర్లు రాసుకుని ఆడుకున్నాం..అదేంటో ఎప్పుడు నీనే గెలుస్తాను.....మళ్ళి నీనే గెలిచా...మనం బై బర్తు లక్కి అనుకుంటా...మెల్లగా లత దగ్గరికి వెళ్లి...మన పధక అమలు కై మాటల గారడీ మొదలు పెట్టా...మొదటిలో కొంచెం బెట్టు చేసింది కాని ...తరువాత వప్పుకుని తీసుకుంది......ఆనందమే ఆనందం...ఆనందమే జీవిత మకరందం...అని పాడుకుంటూ ఇంటికి వెళ్ళిపోయాను...
                                   ******************************************
సాయింత్రం వరకు ఎలా ఉన్నానో ఏమి తిన్నానో ఎక్కడెక్కడ ఆడుకున్ననో తెలీదు గాని..సాయంత్రం అవ్వగానే ఒక్కసారిగా ...లత ఇంటి వైపు మెరుపు వేగం తో దుసుకువేల్లిపోయా....వెళ్తూ వెళ్తూ..ఒక పుస్తకం కూడా పట్టుకున్నాను చేతిలో...ఒక వేల వాళ్ళ అమ్మ కు ఏమైనా డౌట్ వస్తే ఈ పుస్తకం ఇవ్వడానికి వచ్చా అని చెప్పి మన మేటర్ ఏమైందో కనుక్కుందాం అని మన ప్లాన్ అన్నమాట....
మన టైం బాగుంది లతా దొరికింది... అంటె.... వాళ్ళ ఇంట్లోనే ఉంది ఎక్కడికో టీవీ చూడటానికి వెళ్ళకుండా......
"ఏమైంది లతా ఇచ్చావా?"
"ఇచ్చారా ,  తీసుకుంది "
"రా" అంటుంది ఏంటి? అంత నీరసం గా చెప్పుద్దె!!! కుళ్ళు..!!  దీనికి మా ప్రేమనీ చూడలేక ఏడిచి చస్తున్నట్టుంది, దీని డిప్పమొహం ఇదీను....ఏదైతే ఏమి లే మన పనిచేసిపెట్టింది కదా దీనికి ఒక చాక్లేట్ ఇవ్వాలి రేపు...అని మనసులో అనుకుని
"తీసుకుందా....ఇంకా ఎమంది? ఎవరైనా ఉన్నారా? ఇంట్లో ?బాగుందా తను? జ్వరం తగ్గిందా?
"ధాంక్స్ చెప్పమంది రా .....బానే ఉంది.."
దీని గుండు మొహం "రా" అనేస్తుంది నన్ను...ప్రస్తుతానికి ఏమి అనలేం ...." అవునా !! ఇంకా ఏమి చెప్పింది లతా?"
"ఏమి చెప్పలేదు రా...'
"హ్యాపీ గా తీసుకుందా?"
"అవును ....నవ్వుతు తీసుకుంది.....నువ్వు లక్కీరా....."
తను విసిరి కొట్టాలి అనుకుందేమో ఇది.... నవ్వుతు తీసుకునే టప్పటికి దీనికి నీరసం వచినట్లుంది....హహహ ..నా భవాని నా మాటలా..ఎంతైనా దీని ప్రేమ ఈ మధ్య పుట్టింది మరి నేనో అయిదవ తరగతి నుండి లైను వేస్తున్నానయే...

   లత కి ధాంక్స్ చెప్పి నేను నడుచుకుంటూ వెళ్తుంటే......నా మనసు మాత్రం గంతులేసుకుంటూ వెళ్తుంది "అ ధింక చిక అ చిక ఆ చికా " అని పాట కుడా పాడేసుకుంటుంది.....

ఇంకా రెండు రోజులు స్కూల్ లేదు, హిందీ క్లాసు ఉంది...రెండో రోజు కూడా భవాని రాలేదు.....మూడోరోజు
నా జీవితం లో మర్చిపోలేని రోజు.....భవాని పచ్చ కలరు లంగా జాకెట్టు లో  వచ్చింది అసలే భావాన్ని ఎర్రగా తెల్లగా అందంగా ఉంటుంది కదా...ఈ డ్రెస్ లో ఇంకా అందంగా ఉంది ..రోజు స్కూల్ డ్రెస్ లో చూసి చూసి సడన్ ఇలా కొత్త బట్టల్లో చూసే సరికి నన్ను నేనే పొగుడు కున్నా...అబ్బ ఏమి టెస్టు నాది అని....రాగానే నా వైపు చూసింది...ఆ రోజు ఎంత ఆనందం వేసిందో.......నేను నవ్వాను ...తను నవ్వలేదు ..సిగ్గు పడుతుంది అనుకుంటా......ఆ క్లాసు అంటా భావాన్ని నే చూస్తూ కూర్చున్నా...తను కూడా నా వైపు దొంగ చూపులు చూస్తుంది, నాకేమో పిచ్హ పిచ్హ ఆనందం, ఈ టైం లో గనక హిందీ మాస్టారు సోషల్ కోసేను అడిగినా సమాధాన చెప్పేస్తా అంత ఉత్సాహమ గా ఉన్నానన్నమాట. ఓ మీకు తెలీదు కదూ..!! మనకి సోషల్ రాదు.....హిహిహ్

క్లాసు అయిపొయింది......ముందుగా ఆడపిల్లలు లేచి బయటకు వెళ్లారు ...మాస్టారు కుడా వెళ్ళిపోయారు...మేమేమో పుస్తకాలు సర్డుకున్తున్నాం బాగులోకి....అందరు వెళ్ళిపోయినా తరువాతా దాము గాడికి సుభ్రమన్యానికి చెప్పా ఇలా గ్రీటింగ్ ఇచ్చాన్రా అని ....అబ్బో వాలు నా వైపు చుసిన చూపు " నా మనస్సు సే సే సే సే ఈ మనసే సే సే సే సే ...పరిగెడుతోంది నీకేసే..... వినమంటోంది తన ఊసే ......కలేలగాసే కలవరమాయే మదిలో నిను చూసే........అనే తొలిప్రేమ పాటలో పవన్ కళ్యాణ్ నీ దగ్గరనుంచి చూసి నట్లు చూసారు నా వైపు నాకేమి తెలుసు కాసేపట్లో నా కాపురం కులబోతోందని...అలా నవ్వుకుంటూ బయటకు వచ్చాం.....సడన్ గా గేటు దగ్గిరా హిందీ మాస్టారు...భవాని ...కొంతమంది అమ్మాయిలు..లత కుడా...హిందీ మాస్టారి చేతిలో నేను భవాని కి ఇచ్చిన గ్రీటింగ్ కార్డ్స్...... ఇంకేముంది మన "సీన్ సితార ..దుని హందారా" అయి పోయింది.....అప్పుడు నా గుండె కొట్టుకున్న స్పీడ్ గనక గిన్నిస్ వాళ్ళు లెక్కపెడితే ...వరల్డ్ రికార్డ్ ఒకటి మన ఖాతాలో పడుడేంది.....సరే ఇక్కడ ఒక చిన్న ట్విస్ట్ జరిగింది మనం ఊహించింది ఒకటి ...అక్కడ జరిగింది మరొకటి....అదేంటంటే......

( ఆ చెప్పేస్తారు.....అప్పుడే....!!!! వెయిట్ చేయాలి...టెన్షన్ పడాలి... BP  పెరగాలి....... మా సిస్టర్, డాక్టర్ ప్రాక్టీస్ బాగా పెరగాలి.........హహహ )