వీళ్ళు ముస్లిములు కారు.....వీళ్ళ మతం ఇస్లాం కాదు....

వీళ్ళు ముస్లిములు కారు.....వీళ్ళ మతం ఇస్లాం కాదు....  నేను ఈ టపా రాసి చాల మందికి దూరం అవుతానేమో అనిపిస్తుంది , కాని కొంత మందికి తెలియని నిజాలు  సమాజం లో ఒక వర్గం మీద ఉన్న అపోహలు తొలగించడానికి నాకు తప్పట్లేదు... ఎవరిని కించపరచడం గాని, లేక ఒక వారగా ప్రచార నిమిత్తం గాని ఈ టపా కాదు.. 

చెప్పోచేదేంటంటే ...ఏ మతం అయినా పక్కనోడిని హింసించి నువ్వు ఆనందించు..!! అని చెప్పదు....దానికి ఇస్లాం కుడా మినహాయింపు కాదు,  ఒకవేళ ఇస్లాం గనక అలా చెప్పిఉంటే ఒక ముస్లిం గా నేను తల దించుకుంటాను, కాని నా పరిశోధనలో నాకు అలా కనబడలేదు , అసలు వచ్చిన సమస్య ఏంటంటే కురాన్ లోని కొన్ని వాక్యాలను తీసుకుని ఇస్లాం లో ఉగ్రవాదం ఒక భాగం అనే భావాన్ని  సమాజం లో నాటడంలో అతివాదులు సఫలీకృతులయ్యారు, ఉదాహరణకు  కురాన్ లో ఒక చోట " మీకు ఎక్కడ యూదులు కనబడితే అక్కడ వారిని హత మార్చండి"  అని వుంటుంది, ఈ ఒక్క వాక్యమే గనక మనం చుస్తే...నిజంగా ఇస్లాం మీద దురభిప్రాయం గలగడం సహజం ఇలాంటి వాక్యాలనే అతివాదులు తమ పబ్బం గడుపుకోవటానికి, తమ అభిప్రాయాలు ఇతరుల మీద రుద్దడానికి, తమ కుయుక్తులు పండటానికి వాడుకున్నారు..ఒకవేళ నేను ఇస్లాం మతం బయట నుండి ఈ వాక్యం చుస్తే కచ్చితంగా... ఇస్లాం తీవ్రవాదాన్ని ప్రోత్సహించే మతం ,పరమత సహనం లేని మతం అని అపోహ పడతాను,  ఇక్కడే అతివాదులకి తమ కుయుక్త రాజ్య నిర్మాణానికి బీజం పడింది, అది పెరిగి పెద్దదై,  ఒక వర్గం ఈ రోజు ఎన్నో అసమానలతకు , అవమానాలకు గురయ్యింది ,ఆ వర్గ ప్రజల వైపు అనుమానపు చూపు పడడానికి దోహదం అయ్యింది. పైన ఉదహరించిన వాక్యం " " మీకు ఎక్కడ యూదులు కనబడితే అక్కడ వారిని హత మార్చండి" అన్న వాక్యం కురాన్ లో ఉన్నా మాట నిజమే, కాని దాని context ఏమిటి అనేది మాత్రం ఎవరు పట్టించుకోరు.

               ఇక్కడ విషయం ఏంటంటే ముస్లిములకు మరియు యూదులకు జరిగిన ఒక యుద్ద సందర్భములో వెలువడిన వాక్యమే ఆ వాక్యం, ముస్లిములతో ఒక ఒడంబడిక కుదుర్చుకొని దాన్ని ఉల్లఘించి యుద్ధానికి పాల్పడిన యూదులను ఉద్దేశించి ప్రేకోనబడిన వాక్యం ఇలా మొదలవుతుంది " యుద్ధ  రంగం లో  ఎక్కడ యౌడులు కనబడితే అక్కడ వారిని హతమార్చండి "  అతీవాదుల కుయుక్తులకు నేను హైలైట్ చేసిన పదాలు హైజాక్ కు గురై, ఎక్కడో అడవులలో దాగి ఉన్నాయ్  దాని వలన ఆ గ్రంధ ఉద్దేశం, ఆ వాక్య సారంశం, ఆ వర్గ జనులు మనో హత్య కు గురయ్యారు,  యుద్ధరంగం లో వెన్ను చూపక పోవడం కుడా అన్ని మత ధర్మాలలో కుడా ఒక భాగమే, యుద్ధరంగం లో వెన్ను చూపి పారిపోవడం అనేది ఆ దేశ, వర్గ, ప్రాంత, మత , విశ్వాసాల ను అవమాన పరచడం, నమ్మక పోవడం వలననే జరుగుతుంది అని విజ్ఞత ఉన్నా ఈ మనిషైనా చెప్పే మాటలే....ఇక్కడ యుద్ధ వాతావరణం  లో యూదులతో యుద్ధం జరుగుతుండగా యూదులను హతమార్చడం అనేది యుద్ధ ధర్మం మే కాని ద్వేషం కాదు .....ఒడంబడికను ఉల్లఘించటం అన్యాయం మరియు అధర్మం కాబట్టి ఇది ధర్మానికి - అధర్మానికి జరిగిన యుద్ధం గా పేర్కొనబడింది, అందుకే పవిత్ర యుద్ధం అనే పదం వాడబడింది దాని అరబిక్ పదమే ఈ "జీహాద్". అంటే జీహాద్ అంటే మన పైన అన్యాయంగా  దాడి చేసేవారి మీద ,అక్రమంగా మన మీద, మన వ్యవస్థ మీద దాడి చేసిన వారిమీద ప్రతిదాడి చేయడం.  

         ఇక్కడ నేను ఒక చిన్న ఉదాహరణ ఇవ్వదలుచుకున్నాను ...1920  లో అమెరికా మరియు రష్యన్ల మధ్య యుద్ధం జరిగింది అనుకుందాం, ఆ యుద్ధ సమయం లో అమెరికా ప్రెసిడెంట్ తమ సైన్యాన్ని ఉత్సాహ పరుస్తూ ,స్ఫూర్తి నింపే ఉపాన్యాసం లో "మీకు యుద్ధ రంగం లో ఎక్కడ రష్యన్ కనబడితే అక్కడ హతమార్చండి " అన్నారు అనుకుందాం..ఇక్కడ రెండు విషయాలు గమనించాలి, ఒకటి అమెరికన్ సైనికుడు రష్యన్ కనిపించగానే హతమార్చడం అనేది యుద్ధ  ధర్మ భాగమా కాదా? ఒకవేళ ఇతను హతమార్చకపోతే రష్యన్ ఇతనిని హత మారుస్తాడు కదా...ఒకవేళ అమెరికన్ కాని, రష్యన్ కాని యుద్ధరంగం లో తమ తమ శత్రువులను హత మార్చట్లేదు అంటే కారణం ఏమి ఉండొచ్చు? ఒకటి తమ తమ దేశం అంటే వీరికి ప్రేమ లేకపోవడం, తమ ప్రజలను కాపాడాలి అనే ధర్మం నిర్వర్తించక పోవడం, లేదా శత్రు దేశం మీద ఇష్టం ,(జాలి దయ అనే పదాలు అన్నిచోట్లా ఉపోయోగాపడినా యుద్ధరంగం లో వాటిని వాడలేము అనేది నిర్వివాదాంశం) ఇక రెండవ విషయం... ప్రస్తుతం అంటే  2011  లో అప్పటి మాటలు కొంచెం కుదించి " ఎక్కడ రష్యన్ కనబడితే అక్కడ హతమార్చండి" అని  అమెరికన్లను ద్వేషించడం అవమాన పరచడం మంచి పనేనా? విజ్ఞత గలిగిన వాళ్ళు చేసే పనేంటంటే " పరిశోధన"!!! అసలు ఈ వాక్యం ఎందుకు వాడబడింది? ఎప్పుడు వాడబడింది? ఏ పరిస్థితులలో ఈ వాక్య ప్రయోగం జరిగింది ? అనే ప్రశ్నలకు సమాధానాలు కనుక్కోవడం.. గుడ్డిగా నమ్మేసి ద్వేషించడం మూర్ఖత్వం అని నేను అనుకుంటాను.

అసలు ఒక దిన పత్రికలో వచ్చే విషయాలే సరిగా లేవు, వాడి మీద వీడు వీడి మీద వాడు రాసుకోవడం తరతరాల నుండి వస్తున్న ముర్ఖాచారమే ..ఎన్నో మతాల, సంప్రదాయాల, ఆచార వ్యవహారాల, నిలయం  అయిన అఖండ భారతావని లో ఒక వర్గం మీద మరొక వర్గం దాడి చేయడం కూడా మానవ సహజ నైజం...కాని విజ్ఞత ఉపయోగించక పోవడం వాటిల్ని నమ్మి గుడ్డిగా ఆచరించడం ఒక్క మూర్ఖరాజ్య ముఖ్యులకే సాధ్యం. ఏమంటారు? ఏ  మత దినపత్రిక అయినా గాని వేరే మతాన్ని ద్వేషిస్తూ, కించపరుస్తూ, సంపదికియాలు గాని కధనాలు గాని రాస్తుంది అంటే అది నా వరకు సహజం, ఎందుకంటే,,, అసూయా మనవ లక్షణం, తమ వర్గం మీద అభిమానం, తమది అందరికంటే గొప్ప వర్గం అభిప్రాయం...ఇవి సహజ గుణాలు ...కాని ఇలాంటివి చదివి నప్పుడు మనిషిలోనుంది వేరొకడు బయటకు వస్తాడు వాడు " మూర్ఖుడా" విజ్ఞుడా" అనేది ఆ వ్యక్తీ , అభిరుచి, అలవాట్లు , పెరిగిన వాతావరణం, ఆలోచన శక్తి లాంటి వాటి మీద ఉంటుంది.

                 మన చరిత్రలలోను ,మత చరిత్ర లోను యుద్ధాలు ఒక భాగామే!!! క్రుసేడులు కానివ్వండి, మహాభారత యుద్ధం కానివ్వండి, జీహాద్ కానివ్వండి, ఇవి అప్పటి పరిస్థితులను అనుసరించి జరిగిన యుద్ధాలే  గాని, వాటిని మత ధర్మాలను ముడి పెట్టడం సరికాదు. ప్రతీ మత చరిత్రల లోను రాజ్య పాలన జరిగింది. రాజ్యపాలన వేరు, మత ధర్మాలు వేరు,     అసలు ఈ జిహాద్ అనే పదం వ్యాప్తి లోకి రావడానికి మరియు తప్పుగా అర్ధం చేసుకోవటానికి ఆద్యుడు లాడెన్. ఎన్నో సంవత్సరాల నుండి ఈ పదం ఉన్నా గాని ఒక హంతకుడి చేతిలో పడి దీని అర్ధం పాడయ్యిపోయింది, అసలు జిహాద్ అంటే పవిత్ర యుద్ధం అనే మనకు  తెలుసు, కాని ఒక ముస్లిం గా జిహాద్ రెండు రకాలు అని నాకు తెలుసు, ఒకటి జిహాద్ ఎ అక్బర్, రెండవది జిహాద్ ఎ అస్గర్, జిహాద్ ఎ అక్బర్ అంటే పెద్ద జీహాద్ అని  జిహాద్ ఎ అస్గర్ అంటే చిన్న జీహాద్ అని అర్ధం,  మనసు మీద చేసే యుద్ధం పెద్ద జీహాద్ , శత్రువుల మీద చేసే యుద్ధం చిన్న జీహాద్, మన మనసులో ఉండే  ద్వేషం, అసూయా ,కుట్ర, కుళ్ళు , వీటి మీద ఆధిక్యం పొందడమే అసలు జిహాద్..ఏది అర్ధం కాని కొంత మంది మూర్ఖులు ప్రస్తుతం చేస్తున్నది జిహాద్ ఏ అస్గర్ ....మొట్ట మొదట జిహాదే అక్బర్ మీద వీళ్ళు ఎంతవరకు విజయం సాధించారో నాకైతే తెలీదు.....అసలు జిహాద్ చేయడానికి కూడా ఇస్లాం లో కొన్ని నియమాలు ఉన్నాయి ...సత్రుదేసం లేదా శత్రువుల నుండి యుద్ధ ప్రకటన కావడం కూడా అందులో ఒక భాగం...ఇవేమీ లేకుండా దొంగ తనంగా దెబ్బతీయడం జిహాద్ కాజాలదు.... దీనిని  ఎంత మాత్రం ఇస్లాం ప్రోత్సహించదు,...ఇస్లాం పేరు  చెప్పుకుని ఈ పనికి పాల్పడిన వాళ్ళు , పాల్పడే వాళ్ళు ఎంత మాత్రము ముస్లిములు కాజాలరు..

        ఇస్లాం లో కొన్ని నియమాలు ఉన్నాయి అవి అతిక్రమిస్తే  ఆ వ్యక్తీ  ముస్లిం కాదు అని అవి ఉద్ఘాటిస్తాయి...ఇలా ఇస్లాం లో లేని వాటిని ఉన్నట్టుగా ఉహించుకుని ఆచరించడం కూడా అలాంటిదే...ఏక పాకిస్తాన్ విషయం కూడా కొంచెం ప్రస్తావించుకుందాం..వాళ్ళు ISI  కానివ్వండి , తాలిబాని కానివ్వండి, లష్కరే తయ్యిబా కానివ్వండి ఏ   ఉగ్రవాద సంస్థ అయినా కానివ్వండి ,అలాగే వాళ్లకు సపోర్ట్ గా పనిచేసే భారత దేశపు సంస్థ లైన " దీన్దార్ అంజుమన్ " "సిమి" వీళ్ళు చేసేది జిహాద్ కానే కాదు ఒక భుబాగం కోసం అది ఇతరులకు చెందినా దాని మీద అన్యాయంగా దాడి చేయడం, ఇప్పుడు.... భారతీయ ముస్లిములు లేదా అందరు భారతీయులు కలిసి  తమ దేశానికి చెందినా కాశ్మీర్ మీద దాడి కి తెగబడుతున్న పాకిస్తానీయుల మీద జిహాద్ ప్రకటించవచ్చు..ఇది సమ్మతమే ఇస్లాం లో ....

      నేను మనవి చేసేది ఒక్కటే ..గెడ్డం పెంచుకుని, టోపీ పెట్టుకున్న ప్రతీవాడు ..ముస్లిము కాదు ..అలా అని తీవ్రవాది కాదు...రక్తపాతం సృష్టించే ఈ ముస్లిం కూడా ముస్లిం కాదు ఎందుకంటే కురాన్ ని నమ్మడం ఆచిరించడం ఇస్లాం పద్దతి అయితే అదే కురాన్ ఈ వాక్యం కూడా చెబ్తుంది " మీరు అన్యాయంగా ఒక మనిషిని చంపితే మొత్తం మానవాళిని చంపినట్లే.( ఒక మనిషిని చంపినా పాపం కాదు మొత్తం మనుషులను చంపినా పాపం చుట్టుకుంటుంది) " అని మరి ఆఫ్గనిస్తాన్ మీద దాడి చేసింది అమెరికన్ సైన్యం...WTC  లో పని చేసుకుంటున్న వాలు ఏ పాపం చేసారు ? నా భారత సోదరులైనా ముంభై వాసుల మీద ఈ పాప నెపం తో దాడి చేసారు? వాళ్ళు ముస్లిములు కాదు ముస్లిములు కాదు....మా మీద ఏదో అన్యాయం జరుగుతుంది అనుకుని మా రక్షణ కోసం దాడి చేస్తున్నాం అనుకునే ముర్ఖత్త్వపు పాకిస్తానీయులు తెలుసుకోవాలిసింది ఏంటంటే  ప్రపంచం మొత్తం మీద ముస్లిములు, ఒక ముస్లిం కాని వేరే వర్గ ఆధిక్యం లో ఉన్న దేశం లో తక్కువ జనాభా కలిగి కూడా ఎంతో సుఖం గా  ,హాయిగా , ప్రశాంతంగా..ఎక్కడైనా ఉన్నారు అంటే అది భారత దేశం లోనే.......అది మా దేశ సాంప్రదాయం..మరి అల్లర్లు ???? అనీ అసహనం గా మొఖం పెట్టె వాళ్ళను నేను అడిగే ప్రశ్న ఒక్కటే..." మీరు ఎప్పుడు మీ అన్నయ్యలతో గాని తమ్ముళ్ళతో గాని , అక్కలతో గాని , చ్ల్లెళ్ళతో గాని ,గొడవ పడలేదా  ???? మీరు కొట్టుకోలేదా???" సమాధానం సులభం, అనుసరణీయం కుడా  ....వాళ్ళు చేసే మూర్ఖపు పనుల వల్ల ప్రపంచం లో ఇస్లాం కి చెడ్డ పేరు..... భారదేసపు ముస్లిమలకు అవమానాలు..ఇదే వాళ్ళ విజయం .

           ఇంకొక్క విషయం ఏంటంటే ...ముస్లిములు వేరు భారతీయ ముస్లిములు వేరు,... మన సంప్రదాయం , పరమత సహనం , కలివిడి తనం , భిన్నత్వం లో ఏకత్వం ప్రపంచం లో   ఎక్కడా లేవు..వాటిని నరనరాన నింపుకున్న భారతీయ ముస్లిముల్ని పాకిస్తానియులతో పోల్చకండి..ఎందుకంటే మాకు ఈ నేలె  ముఖ్యం అని మేము ఇక్కడే ఆగిపోయాం, దేశమంతా అల్లర్లు రక్తపాతాలు జరుగుతున్నా మాకేమి తెలీ నట్లే కలిసి మెలసి ఉండి పోయాం కాని.............. కొంతమంది పాకిస్తానియులను తిడుతూ ...ముస్లిమల వంక ఓరకంటి తో  చూస్తుంటే ఉండే బాధ అందరికి అర్ధం కాదు...అందరు కలిసి భారత్ పాకిస్తాన్ క్రికటే ఆట చూస్తుంటే ..పాకిస్తానీ వికెట్ పడితే ముస్లిముల వంక గర్వంగా చూసే చూపు కలిగించే నొప్పి భరించలేము.....అవసరం ఉన్న లేక పోయినా "మేము భారతీయులమే" అని చెప్పుకు తిరాగాల్సిన దౌర్భాగ్యపు బ్రతుకు బాధ మీకు అర్ధం కాదు......ఎక్కడ  దాడి జరిగినా అందరు చూసే చూపు కంటే గునపం గుండెల్లో దించితే హాయి గా ఉంటుంది.... ప్రతీ ముస్లిం టెర్రరిస్టు కాదు ప్రతీ టెర్రరిస్టు ముస్లిం కాదు....మమ్మలిని వేరు చేసి చూసే చూపులు మమ్మలిని ఎంత బాధ పెడతాయో తెలుస్కున్తారనే గాని ....ఎవరిని ఉద్దేశించి మాత్రం నేను ఎప్పుడు రాయను..అర్ధం  చేసుకోగలరు .......